s 的个人资料Iam alive照片日志列表更多  |  工具 帮助 |
|
|
10月22日 "I'm Alive"I get wings to fly Oh, oh ... I'm alive ... Yeah When you call on me When I hear you breathe I get wings to fly I feel that I'm alive When you look at me I can touch the sky I know that I'm alive When you bless the day I just drift away All my worries die I'm glad that I'm alive You've set my heart on fire Filled me with love Made me a woman on clouds above I couldn't get much higher My spirit takes flight 'Cause I am alive When you call on me (When you call on me) When I hear you breathe (When I hear you breathe) I get wings to fly I feel that I'm alive (I am alive) When you reach for me (When you reach for me) Raising spirits high God knows that... That I'll be the one Standing by through good and through trying times And it's only begun I can't wait for the rest of my life When you call on me (When you call on me) When you reach for me (When you reach for me) I get wings to fly I feel that... When you bless the day (When you bless, you bless the day) I just drift away (I just drift away) All my worries die I know that I'm alive I get wings to fly God knows that I'm alive 9月23日 .
يوميات واحد بيلعب بديله
الخميس
فى وسط الشارع بالابراهمية
(قالت : - ناكل كشرى من عند ( انا ميشو
قلت : - لا بلاش كشرى
طيب علشان خاطرى . قالت
لا.. يعنى لا , انا كلمتى متنزلش الارض ابدااا . قلت
طيب اتفرج على الى حيحصل لك وحياة امك -
وكما لو كانت بائع متجول بينادى باعلى صوته ( مجنونة يا قوطة ) وبعد ان ابتعدت عنى خطوات صرخت
اه يا ندل يا جبان ! بعد 3 سنيين وانت ملففنى وراك تخلا بيه وتقولى شوفى حالك ، حسبى الله ونعم الوكيل ، عشمتنى بالحلق خرمت انا ودانى وخرمت انت حاجة تانية !
التفت لنا كل من فى الشارع وعم الصمت هذا المكان الذى لا يهدا
وبسرعة وفور ان انتهيت وبنفس درجة صوتها ليسمع كل من سمع من قبل قلت
- ماهو انت اللى عبيطة انك تفتكرى انى ممكن اتجوز وحده خرمت لها الحاجة التانية .. باى باى يا ماما
والى محطة الترام بخطى مسرعة ركبت واحد مع ان له اتجاه معاكس للمكان الذى كنا ننوى الذهاب اليه
وهى من خلفى تصرخ : تعالى هنا مش حسيبك ، لازم اخد حقى ، اكتب على دلوقت حالا .
والجميع فى الشارع يتابع بدقة
وفور ان انطلق الترام انطلقنا معا فى هيستريا من ضحك مجنون
ليتحول الينا نظر كل من فى الترام كما كان كل الناس فى الشارع
___________________________________
الاحد الطريق للمؤذون
اخبرتها من قبل انى احببت لمرة واحدة وفقط ولن احب ابدا من بعدها ...
بالامس وعندما لاحظت قلقى عليها عندما لم تجيب على اتصالاتى العديدة بها على الموبايل او البيت ، قالت : انت تحبنى حاولت ان اشرح لها ان : لا وان هذا فقط نابع من وفائى للعيش والملح ورفقة السرير فاقسمت من جديد انى احبها
ها هنا اكتب لها لكى اقول : عزيزتى .. ان رومانسى بطبعى ، ولو انك اصريت على ان تعيشى معى هذا الوهم فسوف اتجاوب معك وادخلك فى حلم هو كما الافلام الهندية ، سوف تفقى منه لتجدى انى فى الاصل اخيك التوام الذى فقد من امك وابيك فى الصغر والذى بالطبع لا يجوز ابدا ان يذهب معك للمؤذون !
الخميس
سيندريلا
قالت والخوف فى عينيها : لابد ان اذهب قبل الثانية عشر ، ولا تعتبر هذا امرا شخصى ، فانا دائما هكذا . حتى ان اصدقائى قد اطلقوا على لقب (( سيندريلا )) قبل منصف الليل دائما ابحث عن الحذاء واخلع .
باستعطاف طلبت منها ان تنتظر حتى تشرب معى فنجان من القهوة يساعدنا معا على الانتباه والعودة .
جاء الجرسون بالقهوة ومعها همس : سيدى ان الوقت اقترب من الرابعة صباحا ونحن نخجل ان نخبرك بان موعيد عملنا هنا هى حتى الثالثة فقط !
الجمعة
اختى الصغرى : انت رجعت تشرب سجاير ؟ انا : وانت رجعت تفتشى فى حاجتى ؟
صمـــــــــــــــــــــــــــــت ستـــــــــــــــــــــــــــــــــــــــــــــــارة
السبت الغالى
ارسلت لى مينى كول بها اغنية عمرو( انت الغالى ) اتصلت لاخبرها انى لا احب هذه الاغنية والسبب ؟ ان كلماتها غبية تشعرك ان المطرب يحب كيس سكر
الاحد تخاريف الغيرة كانت غيرتها واضحة من بطلة الفيلم الجميلة : - حلوة لكن لا تجيد التمثيل ويبدو انها من اجل البطولة قد قدمت رشوات جنسية للجميع بداية من المخرج وانتهاء بالبواب ! - اى بواب ؟ سالتها - بواب الفيلم طبعا ما هو كل فليم واكيد ليه بواب . - عندها حق ماهو مادم هناك مخرج ومنتج ومؤلف وبطل وبطلة ، يبقى اكيد فيه بواب ! فكرت
الجمعة
( لم اجد لها حتى الان .. عنوان )
لم نخرج للسهر معا منذ فترة
اتصلت بهم وكان الاتفاق ان نلتقى عند المكتبه فى التاسعة
امام تمثال الشاطبى الاسطورى الشهير وصلت ويسرى فى نفس التوقيت تقريبا
جلسنا ندخن وننتظر
فى التاسعة و 35 دقيقة وصلن
راونا عند التمثال لكن لم يلتفتن والى مقهى عروس البحر حيث يفضلن توجهن
من على بعد خطوات اتصلت بها : تعالى نحن هنا . قلت
سوف نذهب الى تكا كافيه ، لن نجلس هنا . صرحت
كما توقعت دارت مناقشه حامية حول الامر
هن يفضلن هذا المكان ، وحقا نحن ايضا ولكنه العناد
وزيادة فى العناد : سوف نذهب مشى . قرارت
فى التاكسى استمر الحوار عن المكان والتاخير والعناد والمخدرات وغيرهما !
والسائق الشاب صامت تماما ولكن لسان حاله يقول (( شله – مجانين – هو- انا – ياربى – اصتبحت – بوش مين – النهارده )) عند الوصول اعطيت له عشرين جنية من اجل ان ياخذ منها الحساب ، استغل ان الجميع دخلوا الى المقهى وهمس : يا استاذ على فكرة الموزتين دول باين عليهم شلق و ((حيقلبوكم )) ، لو عايز .....
قطعت عليه الاسترسال : ياعم موزتين مين دول صحابنا واحنا بس بنهيس ونهزر !
فمد يده لى من الشباك بباقى الحساب .. وانطلق .
فى الدخل وجدتهم فى ركننا المعهود : يا رجالة سواق التاكسى (( قلبنا )) واخذ عشرة جينى فى مشور اخرة اتنان جينى . اعلنت
_____________________________________________________________________
الاثنين
من خاف سلم
عندما اشتدت رحى المعركة . توقفت تماما
واخبرتها من جديد : اريد الخروج بدون اى اصابات او علامات او خسائر
- OK ?
فى الثالثة خرجنا من اجل اكله فته كورع فى الحسين .
الثلاثاء
قضـــــية
فى اليوم التالى لعودتى من القاهرة ، اتصلت : عايزة اشوفك يا حبيبى ، وحشنى جدا .
هى كانت قد طلبت ان تكون لقاءتنا فى رمضان فى اماكن عامة وفقط .
على نفس الكرسى فى المقهى الذى اعتادنا ، جلست : - هو مين كان معك على الفيشاوى فى الحسين ؟
- اخى وبعض الاصدقاء ، لقد اخبرتك من قبل !
- .............
- .......................
حاولت ان لا تجعلنى اشعر بها وهى ترفع ياقة قميصى كما لو كانت تداعبنى وتنظر ، وبعد فترة تفك الازرار من على صدرى بحجة انها تصلح من هندامى وتنظر !
قلت اوفر عليها باقى الجهد رفعت القميص من على ظهرى وجعلتها تنظر .
كان الحكم : براءة
الاثنين
شغل مساطيل
رجعت البيت بعد سهرة للصبح معها
رميت التليفون فى حتة ، ومش عارف فين !
فكرت : انا ابعت لها رسالة علشان تتصل بى اقوم اسمع صوت التليفون والقيه
وانا بكتب فى الرسالة اكتشفت انه مادام بكتب رسالة على تليفونى يبقى اكيد انا لقيته !
فكرت من جديد : طيب ما انا ابعت لها الرسالة فعلا واشوف رد فعلها !
ارسلت : انا مش لاقى تليفونى ! ومش فاكر رميته فين بعد ما رجعت ، اتصلى على علشان اسمع الجرس والقيه .
اتصلت
فتحت الخط جائنى صوتها : ايوة يا حبيبى لقيته ؟
- ايوة يا حبيبتى ... شكرا .. اشوفك باليل . .. باى
الثلاثاء
شباب المستقبل
امنية غربية جدا سمعتها اليوم من ابن اختى عبد الرحمن البالغ من العمر سبع سنوات فقط لابن خالته – اللى هى تبقى اختى التانية يعنى – محمد والذى له نفس العمر تقريبا : (( يارب لما تكبر تشتغل حرامى )) !
الاخر ابتسم له ابتسامة امتنان عريضة ، ان : شكرا يا معلم ، دا العشم برده .
واضح ان العيال معجبهمش المصيف السنة دى فى مطروح ، وانهم عقدو الناية على مارينا فى المستقبل .
الاحد
مساء الخيييييييييييييييير
اتصل يسرى وقال ان كل عائلته فى المنصورة من اجل حفل زفاف ابنة عمه
هو فقط لم يتمكن من السفر لظروف العمل . وفللتهم فى كينج مريوط خالية الا منه وصديقته امال
عرض على ان اذهب له مع (( الحته بتاعتى ))
هناك كان اليوم رائع ، ضحك ولعب وحب وسباحة ...
فى المساء حدث ما لم يكن فى الحسبان ، جاء عمر اخوه الاكبر لانه هو الاخر لديه عمل عاجل فى الصباح الباكر .
هى ليست مشكلة فنحن جميعا اصدقاء ، لكن يبدو ان الغيرة قد لعبت براس عمر وانه قد استفذته انشودة الليل والحرير والنبيذ والنساء هذه والتى لم يكن طرفا فيها . فاخذ فى تعكير صفو الليلة . حكى لصديقتى وفتح فى دافتر جد قديمة تحوى مغامرات سابقة كان هو شاهد عليها .
لم اهتم كثيرا لما يقول وحتى هى . فحقا انا لى صديقة (( بالف راجل )) كما انها تعرف الكثير عنى وعن ماضى المشرف . لم يقنع عمر ويصمت رغم كل ذلك . بل استمر وجاء بحكاية طازجة جدا حدثت منذ ايام فقط بمطروح ، فلقد كشف لها انى اعطيت لطفلة العائلة نانسى عشر جنيهات من اجل ان تحضر لى رقم هاتف جارتنا فى شقة مطروح .
هنا لم استطيع الصبر وقمت للدفاع عن نفسى بان قلت له : انت كاذب
ولصديقتى اقسمت : ابدا والله يا حبيبتى .. دى كانت خمسه جنية بس !
الاثنين
كنت قد كتبت لكم عنها من قبل تحت عنوان (( الطريق الى المؤذون ))
وهى اما عبيطة او انى الفتى معبود النساء بحق !
شخصيا اميل الى الاولى
المهم من بين ما تفعل كى تقيس الى اى مدى وصلت معى اتصلت اليوم وقالت : - حبيبى انا محتارة احدهم عرض على مبلغ الفان من الجنيهات فقط من اجل ان اخرج للرقص معه الليلة . انت اية رايك ؟
بكل برود سالتها :- وياترى حديفع كاش ولا بشيك ؟
- انا مش بهزر ، قولى اعمل اية ؟
- ابدا يا حبيبتى الفان جنية مبلغ لا يستهان به . اخرجى معه طبعا ، اهو بالمرة نعرف نعيد انا وانت . وضحكت بشدة .
اغلقت الخط
6月11日 يوميات
يوميات واحد من الناس بس غير كل الناس
صباح الخير يا جماعة اومساء الخير وطبعا حسب ما كل واحد منكم حايقرأ الكلام دا على العموم انا بكتب لكم الصبح الساعة دلوقت 9انا النهارده اجازة ومعنديش اى حاجة اعملها علشان كده فكرت اكتب هنا دى اول مرة احاول اسجل فيها بعض الاحداث من حياتى المشكلة دائما كانت هى انى مش عارف اكتب اية او عن اية النهارده فى الحمام وانا باخد دوش , جاتنى الفكرةعلى فكرة , انا معظم الافكار العبقرية جدا والعبيطة جدا دائما بتجينى وانا باخد دوش فى الحمامالمعلومة دى كنت قلتها قبل كده لواحد من صحابى فـفضحنى , وكل ما اتكلم معاه فى فكرة او اى حاجة يقول (( ويا ترى يا معلم دى فكرة من افكارك العادية ولا افكار الحمام )) وطبعا دا كان بيغظنى جدا لان الحمام عندى عمرة ما عرف يفكر فى اى حاجةالمهم انا فكرت النهارد اكتب عن احلى حاجة من احلى الحاجات الخمسه اللى فى الدنيا والموضع دا له قصة تعود لسنه فاتت اقولكم ازى كنا سهرانيين فى كينج مريوط والجو هناك تحفة والقعدة كانت اخر حلوة واحد من صحابنا كان واضح انه وصل للاوفر ومزاجة كان عالى اوى وكل ما يتكلم كان يطلع من بقه حكم ينفع تنكتب فى كتب التاريخ والجغرافيا كمان يومها قام وقف فجاة وقال : (( يا جماعة .. انتو تعرافوا احلى خمس حاجات فى الدنيا اية ؟ .. احلى خمس حاجات فى الدنيا تلاته ... الاكل والنوم )) طبعا كل الناس اللى قاعدين قالوا له طيب اقعد يا فالح ربنا يخليك لمامى وللهبل ، وهاتك يا تريقة عليهلكن انا ولانى كنت ساعتها جعان جدا قلت فى عقل بالى والله الود دا عنده حق واخدت الموضوع بجد وقررت اجرب واركز فى الحاجات دى اللى قال عنها وطبعا ولانى كنت عجان زى ما قلت لكم اخترت الاكل وبعد شوية وبعد ما الناس نسوا الموضوع دا قلتهم انا عايز اكل يا جماعه يا لله بينا على ماكدونالذ لانه اقرب حاجة من ضاحية كينج مريوط زى مانتو عارفين ايوة تمام , هو فرع ماكدونالذ اللى فى الكليو 30 طريق مصر الاسكندرية الصحرواى قبل مفراق العجمى بشويةطبعا انتو شايفين ان لحد كده عادى جدا واحد جعان واكل فى الحقيقة اللى مش عادى ان الموضع استمر معايا وانى ما بقتش استغنى عن الاكل ابدا اصحى الصبح على طبق الفول بالذبدة مع شوية مربة وعسل واكيد حته جبنة ومش معقول ميكونش فيه بيض ولانشون واكيد اكيد عيش بلدى وللاسف مبقدرش اكمل واضيف حاجات كمان لانى بكون مستعجل جدا علشان موعد الباص للشغل فى الغدا واللى بحب يكون الساعة 12 واللى بتجى على وانا بكون ميت من الجوع بعد الفطار الخفيف والمستعجل دا , يا سلام يا سلام لو الظروف تسمح ويكون الغدا فى مطعم فيش ماركت فى الانفوشى ، يا عينى على السمك البورى المشوى بالزيت والليمون ومعاه شربة اعشاب البحر وتلات اربع سمكات بربون ورز صيادية واكيد التسخين قبل كل دا حيكون بالسطات الجميلة اللى عندهم السلطة الخضرا وسلطة الطحينه والتومية ....الخوالحلو اكيد حيكون سلطة فوكهة علشان تساعد على الهضم ام لو رجلى اخدتنى على لحد دون تاون – ايوة هو اللى فى وش كارفور – فاكيد عند بلبع حتكون القائمة مختلفة تماما ، يعنى مثلا لابد من شوربة حمام للتسخين وبعدين السلطات البلدى المعروفة دى وبعدين جوز حمام مشوى وموزة مشوية و طبعا رز بسماتى وطبق محشى ورق عنب وازازة صودا والحلو جاتوةومش عايز اقولكم لو فى يوم فكرت اعزم حد من صحابى على الغدا طبعا وبدون اى تفكير حاخده على العطارين علشان فيه مسمط مشهور هناك وصاحبه رجل سكره مستجدعنى اوى ومن بعد اول مرة شفنى باكل فيها عنده يومها جه مخصوص من على الكيس وعلى ضهرى وقام رزعنى حته كف وقال (( والله مصر لسه فيها راجلة يا ولاد )) المهم انا والامانة بقولكم بحب اعزم صحابى هناك لانهم بصراحة بيشبعوا بسرعه – او فى الحقيقة بيقرافو بسرعة – ويكون من ناصيبى انا باقى اطباق فتة الكورع اللى بالخل والتوم والمشويات المشكلة من لحمة الراس والمخ والكلاوى والكبده وهلم جر ووصولا الى الكمونية وانتهاء بالمنبارالعيال صحابى دول اصلهم خرعيين اوى مش عايزاكمل لكم عن لو كان الغدا فى البيت ومع العائلة وطبق الملوخية مع العيش البمية باللحمة الضانى والرز الكبسه على الطريقة السعودية والبط المحمر وشوية الحاجات الفكة دى من سلطات وشربة والحلو بسبوسه بالقشطة ... الخنيجى للعشا وعلى ما اعتقد الكلام عن العشا مش حيكون مثير لانه فى الحقيقة دائما بيكون خفيف زى الفطار لكن بيزيد عليه انه بيكون عندى وقت احلى بتلات اربع اطباق فاكهة ، طبعا مش باكلها كلها مرة واحده كده ، لا انا بس بحطها قدمى اتسلى بها من بعد العشا ولحد ما اجى انام وانا سهران بعمل شوية شغل على الكمبيوتر او بدردش على الانترنت او بتفرج على فيلم لحد اسبوع فات والحياة كانت معايا حلوة وميت فل وعشرة ايه اللى حصل ؟ احكى لكم كنت ماشى مع يسرى صحبى فى المنشية وفى ميدان عرابى تحديدا وكان فيه واحد واقف جانب ميزان وعمال ينده على الناس اللى ماشيين فى الشارع (( اعرف وزنك .. مع طولك .. الميزان الالكترونى حيوصلك للحل )) وحاجات زى كده مش فاكرهايسرى بص لى بخبث من فوق لتحت وقالى (( ماتوزن نفسك ))فى الحقيقة انا استغربت كلامه دا جدا لانى مكنت شايف داعى لكده ابداالمهم فى النهاية كنت على الميزان وبعد اقل من دقيقة كان معايا ورقة فيها وزنى وطولى والغريب بل والغريب جدا ان كان فيه زيادة فى وزنى وطبقا لمعادلة الطول مع الوزن الشهيرة هذه يصل الى 9 كليو جرام .طبعا كانت صدمة لى ومشيت فى الشارع اكلم نفسى (( من فين بس يا رب جات كل الزيادة)) يسرى صاحبى سمع الجملة دى ومات على نفسه من الضحك وقال شئ ما على طريقة
(( بوص - على - كرشك – يا – ابن – المفجوعه ))ولقد كانت هذه هى القشة التى قسمت بطن البعير , عفوا اقصد ظهر البعيروعلى طريقة شعبولا الشهيرة قررت انه :(( من اول الاسبوع حبطل اكل لما اجوع ))منه لله اللى كان السبب الا هو مين صحيح اللى كان السبب ايوة .. دا صاحبنا العبقرى اللى قال مرة: ان احلى خمس حاجات فى الدنيا.. تلاته.. الاكل والنومالغريب انى جربت الاكل ونسيت خالص موضوع النوم دا واعتقد ان دا هو الحل دلوقت بعض ما بقى الاكل محرم على اللى بموعيد ومقادير فكرة والله ادخل على تانى احلى حاجة فى الدنيا بس يا ترى هو كان قصده على اى نوع من النوم ؟ على العموم انا اللى متوفر لى دلوقت هو النوم العادى , وبما انى مش متجوز وكمان الوقت لسه الصبح وما ينفعش انزل علشان ........ احمممممممممممممكفاية كده النهارده لانه الظاهر انى حاخرف من الجوع |
|
|
